Azam yasajili nyota mwingine kutoka Colombia

Klabu ya Azam FC, imetangaza kukamilisha usajili wa beki wa kati raia wa Colombia, Yeison Fuentes.

Mchezaji huyo, amesaini mkataba wa miaka mitatu akitokea Klabu ya Leones ya nchini kwao Colombia.

Huyo anakuwa ni mchezaji wa tatu wa kigeni kusajiliwa na Azam kwenye dirisha hili la usajili.

Tayari Azam walishatangaza kunasa saini ya mshambuliaji, Franklin Navarro kutoka Colombia pamoja na kipa raia wa Sudan, Mustapha Mohamed kutoka El-Marakh.

Kutokana na usajili huo, Azam pia wanatarajia kuacha baadhi ya wachezaji ili wabakiwe na wachezaji 12 wanaotakiwa kucheza mashindano ya Ligi Kuu Bara na yale ya kimataifa.

Hadi sasa mchezaji wa kigeni aliyetangazwa kuondoka ni Idris Mbombo pekee huku idadi ya wachezaji hao kwa Azam sasa ikiwa ni 14.